तिल्दा नेवरा
दिलीप वर्मा
9424211900
कान्हेरा (उरला) के मृतक परिवार ल न्याय दिलाय बर CKS + JCP के संघर्ष सफल
उरला के RR इस्पात संयंत्र म होय दुखद औद्योगिक दुर्घटना म कान्हेरा निवासी मृतक के परिवार ल आखिरकार न्याय मिल गे हे।
छत्तीसगढ़िया क्रान्ति सेना (CKS) आऊ जोहार छत्तीसगढ़ पार्टी (JCP) के लगातार संघर्ष, आंदोलन आऊ प्रशासनिक दबाव के बाद कंपनी प्रबंधन द्वारा पीड़ित परिवार बर महत्वपूर्ण सहायता घोषणा करे गे हे।
समझौता अनुसार मृतक परिवार के सदस्य प्रतिमा यादव आऊ परिवार ल कुल 30 लाख रूपया मुआवजा, परिवार बर पेंशन सुविधा, बच्चा मन के पढ़ाई के जिम्मेदारी आऊ परिवार के एक सदस्य ल नौकरी देय जाही।
संगठन के पदाधिकारी मन कहिन कि छत्तीसगढ़िया मजदूर आऊ आम जनता के हक-अधिकार बर संघर्ष आगे घलो जारी रही। औद्योगिक क्षेत्र म काम करे वाले मजदूर मन के सुरक्षा, सम्मान आऊ न्याय सुनिश्चित करना शासन-प्रशासन आऊ कंपनी मन के जिम्मेदारी आय।
CKS आऊ JCP के कार्यकर्ता मन कहिन कि छत्तीसगढ़िया समाज ऊपर होवत अन्याय के खिलाफ संगठन हमेशा मजबूती से खड़े रही आऊ पीड़ित परिवार मन ल न्याय दिलाय बर निरंतर लड़ई लड़त रही।